विम्बल्डन-२०२४ : रेबकिना सजिलै अन्तिम चारमा

काठमाडौँ — पूर्वविजेता एलेना रेबकिनाले बुधबार सजिलै विम्बल्डनको सेमिफाइनल यात्रा निश्चित गरेकी छिन् । उनले सेन्टर कोर्टमा एलिना स्भिटोलिनालाई ६–३ र ६–२ ले हराइन् । उनलाई यो जित निकाल्न ६२ मिनेट मात्रै आवश्यक परेको थियो ।

सन् २०२२ को विम्बल्डन उपाधि जितेकी रेबकिना त्यसपछि सेमिफाइनल पुगेको यो पहिलो पटक हो । अब अन्तिम चारको खेलमा रेबकिनाले बारबोरो क्रेजकिकोभचाको सामना गर्नेछिन् ।