बालुवाटारमा रवि–बालेनबीच ४५ मिनेट भेटवार्ता, के भयो कुराकानी ?

काठमाडौँ । प्रधानमन्त्री बालेन शाह र सत्तारुढ दल रास्वपाका सभापति रवि लामिछानेबीच प्रधानमन्त्रीको सरकारी निवास बालुवाटारमा भेटवार्ता भएको छ । सरकार र पार्टीबीच बढ्दो संशय र तिक्तताबीच प्रधानमन्त्री बालेन र सभापति लामिछानेबीच ४५ मिनेट कुराकानी भएको हो। प्रधानमन्त्री बालेनलाई भेट्न सभापति लामिछाने आइतबार साँझ बालुवाटार गएका थिए।

उनीहरूबीच सरकार सञ्चालनमा पार्टीको भूमिका केन्द्रित छलफल भएको बताइएको छ । त्यस्तै उनीहरूबीच लामिछानेको आसन्न भारत भ्रमण र बालेनले केही गर्ने भनिएको भारतको भ्रमणबारे पनि छलफल भएको बताइको छ ।