पाफोसविरुद्ध युभेन्टसको जित

काठमाडौँ । बिहीबार सम्पन्न च्याम्पियन्स लिगको खेलमा युभेन्टसले पाफोसलाई २-० ले पराजित गर्दै महत्त्वपूर्ण जित हात पारेको छ। घरेलु मैदानमा खेलेको युभेन्टसले दोस्रो हाफमा गरेको उत्कृष्ट प्रदर्शन नै जितको आधार बन्न पुग्यो ।

खेलको ६७ औँ मिनेटमा वेस्टन म्याक्केनीले पहिलो गोल गर्दै युभेन्टसलाई अग्रता दिलाए । त्यसपछि ७३ औँ मिनेटमा जोनाथन डेविडले दोस्रो गोल गर्दै टिमलाई सुरक्षित जिततर्फ पुर्‍याए ।