भाइटीकाको दिन आज धेरै ठाउँको मौसम सफा : कोशी प्रदेशका पहाडी क्षेत्रमा आंशिक बदली

काठमाण्डौ – भाइटीकाको दिन आज देशका धेरै ठाउँमा मौसम सफा नै रहेको जल तथा मौसम पूर्वानुमान महाशाखाले जनाएको छ । काठमाण्डौ उपत्यकासहित तराई/मधेश र पहाडी धेरैजसो क्षेत्रमा आज मौसम पूर्ण रुपमा सफा नै छ ।

कोशी प्रदेशका पहाडी केही क्षेत्रमा आंशिक बदली रहेको महाशाखाका मौसमविद् सञ्जिव अधिकारीले जानकारी दिनुभयो । आज भाइटीकालाई प्रभाव पार्ने गरी ठूलो पानी पर्ने, हिमपात हुने सम्भावना नरहेको उहाँको भनाइ छ ।