बेनी-जोमसोम सडक पूर्ण रुपमा खुलाउने प्रयास जारी

२५ असोज, मुस्ताङ । बेनी-जोमसोम सडक सञ्चालनमा ल्याउने प्रयास जारी छ । सडक मर्मतको काम करिब सकिए पनि वर्षाका कारण सवारी सञ्चालन गर्न कठिन भएको सरोकारवालाहरुले बताएका छन् ।

जिल्ला प्रहरी कार्यालय मुस्ताङका अनुसार अहिले नै सवारी साधन पूर्णरुपमा सञ्चालन हुने अवस्था भने छैन । सवारी आवागमन अहिले पनि प्रभावित भएको छ । प्रहरीका अनुसार गाडीहरु फसेका कारण सडक पूर्णरुपमा सञ्चालनमा आउन नसकेको हो ।