पेनाल्टीमा एकैदिन बाहिरिए दुई महारथी

काठमाडौँ । फिफा विश्वकप २०२६ मा उपाधि दाबेदार मानिएका दुई युरोपेली महारथी जर्मनी र नेदरल्यान्ड्सको यात्रा एकैदिन पेनाल्टी सुटआउटमा टुङ्गिएको छ। राउन्ड अफ ३२ का रोमाञ्चक प्रतिस्पर्धामा जर्मनी पाराग्वेसँग तथा नेदरल्यान्ड्स मोरक्कोसँग पराजित हुँदै प्रतियोगिताबाट बाहिरिएका हुन्।

जर्मनीले पाराग्वेविरुद्धको खेलमा बलमा नियन्त्रण राख्दै अधिकांश समय दबाब बनाए पनि त्यसलाई नतिजामा बदल्न सकेन। निर्धारित ९० मिनेट र त्यसपछिको अतिरिक्त समयसम्म दुवै टोली १–१ को बराबरीमा रोकिएपछि खेल पेनाल्टी सुटआउटमा पुगेको थियो।