संस्थापनइतर समूहले भोलि बिहान १० बजेसम्ममा साझा उम्मेद्वारको टुंगो लगाउने

काठमाडौं : नेपाली कांग्रेसको १४ औं महाधिवेशनमा संस्थापनइतर समूहले मनोनयन दर्ता गर्ने समयसम्ममा साझा उम्मेद्वारको टुंगो लगाउने भएको छ। नेपाली कांग्रेसका नेता डा शेखर कोइरालाले शनिवार बिहान १० बजेसम्ममा साझा उम्मेद्वार आउने बताएका हुन्।

संस्थापनइतरका ४ आकांक्षी नेताहरु भृकुटीमण्डपको उद्घाटनसत्रपछि बत्तिसपुतलीस्थित अनुपम फुडल्याण्डमा छलफलमा जुटेका थिए। तर, सो छलफलमा साझा उम्मेद्वारको विषयमा कुनै सहमति हुन सकेन।