‘बाघ भैरव’ को महिमा अब भिडियोमा

कीर्तिपुर– सञ्चारकर्मीको रुपमा परिचय बनाएका ललेन्द्र शाक्यको निर्देशनमा कीर्तिपुरका आराध्य देव बाघ भैरवको महिमा दर्शाउने ‘जय जय बाघ भैरव’ भजन म्युजिक भिडियोका रुपमा सार्वजनिक गरिएको छ ।

कीर्तिपुर सिनेप्लेक्समा सोमबार आयोजित एक समारोहमा सार्वजनिक गरिएको उक्त भजनको भिडियोमा बाघभैरव महिमा गानका साथै बाघभैरव उत्पत्ति बारे प्रचलित जनश्रुतिमा आधारित किम्बदन्तिलाई पनि बाल कलाकारहरुको माध्यमबाट प्रस्तुत गरिएको छ ।