एनआरएनए मलेसियाको नवौं अधिवेशन सम्पन्न, इन्द्र नारायण लिम्बु अध्यक्षमा निर्वाचित

मलेसिया । गैरआवासीय नेपाली संघ (एनआरएनए) मलेसियाको नवौं महाधिवेशन आइतबार राजधानी क्वालालम्पुरस्थित होटेल ग्रान्ड कन्टिनेन्टलमा भव्यताका साथ सम्पन्न भएको छ। महाधिवेशनमार्फत २०२५–०२७ कार्यकालका लागि इन्द्र नारायण लिम्बु निर्विरोध अध्यक्षमा निर्वाचित भएका छन्।

महाधिवेशनलाई सम्बोधन गर्दै नेपाली कांग्रेसका नेता तथा पूर्वअर्थमन्त्री प्रकाशशरण महतले नेपालको विकासमा नेपाली डायस्पोराले पुर्‍याउँदै आएको योगदानलाई स्मरण गर्दै प्रवासी नेपालीको समस्या समाधानका लागि सामूहिक पहल आवश्यक रहेको बताए। उनले एनआरएनएको निर्वाचन सर्वोच्च अदालतको आदेशअनुसार सम्पन्न भएको भन्दै मलेसियामा निर्वाचित कार्यसमितिलाई समर्थन जनाए। सामाजिक सञ्जालमा हुने नकारात्मक प्रचारको खण्डन गर्दै उनले ‘जय नेपाल’ सम्पूर्ण नेपालीको साझा नारा भएको स्पष्ट पारे।