सिद्धार्थ सडक खाना महोत्सवमा आज सांगीतिक धमाका

भैरहवा । दसैँलक्षित ‘सिद्धार्थ सडक खाना महोत्सव–२०८३’ मा आज भव्य सांगीतिक कार्यक्रम हुँदैछ। चेम्बर अफ कमर्स, रुपन्देहीको आयोजनामा असोज २४ गतेदेखि भैरहवामा सुरु भएको महोत्सवको दोस्रो दिन आज साँझ ६ बजेदेखि सांगीतिक प्रस्तुति सञ्चालन हुने आयोजकले जनाएको छ।

भैरहवाको बसपार्कदेखि देवकोटा चोकसम्म सञ्चालन भइरहेको महोत्सवमा स्थानीय मौलिक खाना, विभिन्न जातजातिका परम्परागत परिकार तथा विविध खाद्य सामग्रीका स्टल राखिएका छन्। महोत्सवमा करिब एक सय स्टल रहेका छन्। आयोजकले दुई दिनमा ५० हजारभन्दा बढी दर्शक तथा उपभोक्ता सहभागी हुने अपेक्षा गरेको छ।