क्रिकेट विश्वकप लिग–२: क्यानडाविरुद्ध रोहित पौडेलको शानदार शतक

काठमाडौं । नेपाली राष्ट्रिय क्रिकेट टोलीका ब्याटर रोहित पौडेलले आईसीसी क्रिकेट विश्वकप लिग२ अन्तर्गत क्यानडाविरुद्धको खेलमा शतक प्रहार गरेका छन् । ओमान क्रिकेट एकेडेमी मिनिस्ट्री टर्फ१ मा जारी खेलमा रोहितले १२६ बलमा आफ्नो शतक पूरा गरेका हुन् । शतक बनाउने क्रममा उनले ८ चौका र १ छक्का प्रहार गरेका छन् । यो रोहितको एकदिवसीय अन्तर्राष्ट्रिय (ओडीआई) करियरको तेस्रो शतक हो । उनले यसअघि १२ अर्धशतकसमेत बनाइसकेका छन् । टस हारेर पहिले ब्याटिङमा उत्रिएको नेपालले यो समाचार तयार पार्दासम्म ४७ ओभरको खेल चलिरहँदा ५ विकेट गुमाएर २०५ रन बनाएको छ ।