फर्सेको दर्दनाक कथाः बग्योे घर,उजाडियो बस्ती (फोटो फिचर)

असोज ११ गते कालीगण्डकी नदीको बाढीले तहसनहस पारेर बगरमा परिणत भएको पर्वतको जलजला गाउँपालिका–८ स्थित फर्से पुग्दा संगीता आचार्य नदी किनारमा आफ्नो घरको अवशेष खोजिरहनुभएको थियो ।

कुनै समय घर रहेको स्थान देखाउँदै उहाँले पीडामिश्रित स्वरमा भन्नुभयो, “हाम्रो घर भएको ठाउँबाट अहिले नदी बगिरहेको छ । जीवनभर दुःख गरेर बनाएको घर बाढीले बगाइदियो । एकैछिनमा घरबारविहीन हुनुप¥यो । प्रकृतिको लीला पनि कस्तो होला ! मनै मान्दैन। त्यसैले दिनमा एकपटक यहाँ आउँछु, घर भएको ठाउँ हेर्छु र मन भारी पार्दै फर्किन्छु ।”