पाल्पाका भगवती मन्दिरमा भक्तजनहरूको भिडभाड

तानसेन :आज वडादसैंको पहिलो दिन घटस्थापनाको दिन। पाल्पाका विभिन्न शक्तिपिठ तथा देवी भगवतीका मन्दिरमा भक्तजनहरूको भिडभाड बढेको छ । भक्तजनहरू बिहानै नदी तलाउ, धारा कुवामा स्नान गरी चोखो वस्त्र पहिरिएर पूजापाठ तथा देवीको दर्शनका लागि भगवती दुर्गाका मन्दिर पुगेका छन् ।

नवदुर्गा सुरू भएपछि भगवती मन्दिरका वरिपरी भक्तजनहरू भजन कृर्तन,दुर्गा तथा चण्डी पाठ गर्दै देवीको आराधनामा जुटेका हुन् । तानसेनको भगवती मन्दिर परिसरमा परम्परागत नेवारी भाषाको डाफा भजनले संस्कृति जोगाएको छ । लोपन्मुख अवस्थामा पुगेको नेवारी डाफा भजनलाई संरक्षणको लागि पाका पुस्तासँगै युवाहरू जोडिएका छन् ।