वडा सदस्यका छोराले विद्यालय परिसरमै प्राचार्यलाई पिटे, दुईजना पक्राउ

काठमाडौं । बूढानीलकण्ठस्थित बालउद्धार माविका प्राचार्य विनोद पण्डित आफ्नो विद्यालयको प्राङ्गणमा पिटिएका छन् । भर्नासम्बन्धी विवादमा स्थानीय युवाले उनलाई हातपात गरेका हुन् ।

घटनामा संलग्न रहेको आरोपमा प्रहरीले दुईजनालाई पक्राउ गरेको छ । पक्राउ परेका निशान दाहाल वडा नम्बर १० कि वडासदस्य रिता दाहालका छोरा हुन् । वडासदस्य दाहालले आफ्नी छोरीलाई विद्यालयमा भर्ना गर्न खोजेको तर प्राचार्यले म्याद सकिएको जवाफ दिएपछि विवाद भएको थियो ।