सुदूरपश्चिम प्रदेशको बजेट ३७ अर्ब ७० करोड

सुदूरपश्चिम प्रदेश सरकारले चालु आर्थिक वर्षका लागि ३७ अर्ब ७० करोड ३९ लाख रुपियाँको बजेट सार्वजनिक गरेको छ ।

यसअघि असार १ गते प्रस्तुत बजेट असफल भएपछि चालु आर्थिक वर्षका लागि प्रदेश सरकारले परिमार्जित र संशोधन गरेर दोस्रो पटक बजेट प्रस्तुत गरेको हो । आर्थिक मामिलामन्त्री चक्रबहादुर मल्लले आज बसेको प्रदेश सभाको बैठकमा बजेट प्रस्तुत गर्नुभयो । प्रदेश सरकारले पुँजीगत र चालु खर्च नछुट्याइ बजेट सार्वजनिक गरेको छ ।