चालू आवको दुई महिनामा जीवन बीमाको प्रथम बीमाशुल्क २२ प्रतिशतले बढ्यो

काठमाडौं। चालू आर्थिक वर्ष २०८३/०८४ को साउन र भदौ महिनासम्ममा जीवन बीमा कम्पनीहरुले झण्डै आठ अर्ब रुपैयाँ प्रथम बीमाशूल्क आर्जन गरेका छन्। नेपाल बीमा प्राधिकरणले सार्वजनिक गरेको तथ्याङ अनुसार चालु आर्थिक वर्षको साउन र भदौ महिनामा १४ जीवन बीमा कम्पनीहरुले सात अर्ब ९६ करोड ८३ लाख रुपैयाँ प्रथम बीमा शुल्क आर्जन गरेका हुन्।

कम्पनीले आर्जन गरेको प्रथम बीमाशुल्क गत आर्थिक वर्ष २०८२/०८३ को सोहि अवधिको तुलनामा २१.८२ प्रतिशतले बढी हो। गत आर्थिक वर्षको साउन र भदौमा जीवन बीमा कम्पनीहरुले ६ अर्ब ५४ करोड ११ लाख रुपैयाँ आर्जन गरेको थियो।