विराटनगरमा सीजी डिजिटलको २८औँ शोरुम सञ्चालनमा, नेपालकै सबैभन्दा ठूलो मल्टिब्रान्ड शोरुम भएको दाबी

काठमाडौं- सीजी इलेक्ट्रोनिक्सअन्तर्गत सञ्चालित सीजी डिजिटलले कोशी प्रदेशको राजधानी विराटनगरमा आफ्नो २८औँ शोरुम सञ्चालनमा ल्याएको छ। कम्पनीका अनुसार यो नेपालकै सबैभन्दा ठूलो मल्टिब्रान्ड शोरुम हो। नयाँ शोरुम सञ्चालनमा आएसँगै विराटनगर तथा आसपासका क्षेत्रका ग्राहकले विभिन्न राष्ट्रिय तथा अन्तर्राष्ट्रिय ब्रान्डका इलेक्ट्रोनिक्स र घरायसी उपकरण एउटै छानामुनि खरिद गर्न सक्ने भएका छन्।

शोरुमको उद्घाटन नेपाल चेम्बर अफ कमर्स, कोशी प्रदेशका अध्यक्ष राजेन्द्र राउतले रिबन काटेर गरेका हुन्। शोरुम विस्तारले पूर्वी नेपालमा आधुनिक इलेक्ट्रोनिक्स तथा घरायसी उपकरणको पहुँच बढाउनुका साथै ग्राहकलाई गुणस्तरीय उत्पादन र सेवा उपलब्ध गराउने कम्पनीको लक्ष्यलाई थप बल पुर्‍याउने अपेक्षा गरिएको छ।