प्रिमियर लिग : म्यान्सिटीको फराकिलो जित, आर्सनल रोकियो बराबरीमा

काठमाडौं । इंग्लिश प्रिमियर लिग फुटबलमा म्यान्चेस्टर सिटी फराकिलो अन्तरले विजयी हुँदा आर्सनल बराबरीमा रोकिएको छ । घरेलु मैदानमा सिटी ५-२ गोल अन्तरले विजयी भएको हो ।

क्रिष्टल प्यालेसलाई हराउने क्रममा सिटीका लागि केभिन डे ब्रायन, ओमार मर्मूश, मातेओ कोभासिक, जेम्स म्याकएटी र निको ओ’रेलीले गोल गरे । क्रिष्टल प्यालेसका एबेरेची ऐजें र क्रिस रिचर्ड्सले गोल फर्काए । यो जितपछि म्यान्सिटीले झण्डै तेस्रो स्थानको नटिङघमलाई भेट्टाउन खोजेको छ । नटिङघमको ५७ अंक हुँदा म्यान्सिटीको ५५ अंक भएको छ ।