त्यति बुढो भएको छैन, जति हाने पनि ढल्दिनँ: ओली

नेकपा (एमाले)का अध्यक्ष केपी शर्मा ओलीले आफूमाथि जति प्रहार गरेर पनि नढल्ने बताएका छन्।

एमालेको सम्पर्क विशेष संगठन कमिटीले आइतबार काठमाडौँमा आयोजना गरेको मिसन पार्टी जागरण अभियान तथा अगुवा कार्यकर्ता भेलालाई सम्बोधन गर्दै अध्यक्ष ओलीले महाभारतका भीष्म पितामहतको प्रसंग निकाले। अर्जुनले जति तिर हाने पनि केही नभएको स्मरण गराए।