‘कोप–३१ नेपाल कोप बन्नुपर्छ’

नेपालमा हालै आएको विनाशकारी बाढीलाई विश्वव्यापी जलवायु कार्यका लागि निर्णायक मोड बनाउनुपर्ने भन्दै जलवायु अभियन्ता, नागरिक समाजका प्रतिनिधि तथा पत्रकारहरूले टर्कीको अन्तल्यामा आगामी महिना हुने संयुक्त राष्ट्रसंघीय जलवायु सम्मेलन (कोप–३१) लाई ‘नेपाल कोप’ बनाउनुपर्ने माग गरेका छन्।

उनीहरूले जोखिममा रहेका देशलाई तत्काल जलवायु वित्त उपलब्ध गराउनुपर्ने, जलवायु परिवर्तनसँग अनुकूलनका लागि सहयोग बढाउनुपर्ने र हानि तथा क्षतिको कोषमा पर्याप्त रकम जुटाउनुपर्ने बताएका छन्। जीवाश्म इन्धनको प्रयोगबाट बाहिरिने प्रक्रिया तीव्र बनाउन र जलवायुजन्य क्षतिका लागि प्रदूषकलाई जिम्मेवार बनाउनुपर्ने उनीहरूको माग छ। यसैगरी, अन्तर्राष्ट्रिय जलवायु प्रतिबद्धता र जलवायु संकटको अग्रपङ्क्तिमा रहेका देशले वास्तवमा प्राप्त गरिरहेको सहयोगबीच ठूलो खाडल रहेको उनीहरूको तर्क छ।