मुख्य सामग्रीमा जानुहोस्

समाचार

देश

जनजीविकाको सवाललाई बेवास्ता नगर

rajdhanidaily.com · Wed Aug 17 23:39:19 GMT 2022

सरकारले प्रतिनिधि तथा प्रदेशसभाको निर्वाचन घोषणा गरेसँगै मुलुकमा चुनावी माहोल सुरु भएको छ । चुनावी माहोल सुरु भएसँगै देशमा सत्ता गठबन्धनमा आबद्ध दलहरू जसरी पनि चुनाव आप्mनो पक्षमा पार्ने ध्याउन्नमा लाग्न थालेका छन् । मुलुकमा निर्वाचन घोषणा गरिए पनि सरकार जनताका तमाम समस्या समाधानतर्फ पनि लाग्नुपर्छ । निर्वाचन गराउने काम निर्वाचन आयोगको हो भने निर्वाचनका लागि सुरक्षा दिने काम सरकारको हो । सरकारले अन्य विषय सोच्न जरुरी छैन । त्यसैले, सरकार जनताका समस्या समाधान गर्ने दिशामा पनि अग्रसर हुन जरुरी छ ।

तर, सरकारलाई जनताका समस्या समाधान गर्ने खालका योजना र कार्यक्रम ल्याउने फुर्सद नै छैन । अहिले सिंहदरबारका आलिसान महलमा बस्नेहरूले जनताका गाँस, वास, कपास, स्वास्थ्य, शिक्षा, रोजगार तथा सामाजिक सुरक्षा’boutमा केही पनि सोच्दैनन् । उनीहरूको एउटै ध्याउन्न कसरी हुन्छ सम्पत्ति आर्जन गर्ने र अकूत सम्पत्ति कमाएर त्यसैको आडमा निर्वाचन जित्ने दाउमा सरकारका मन्त्रीहरू रहेका छन् । प्रधानमन्त्री स्वयं पनि त्यही खेलमा छन् । त्यसैलmे अब सरकारबाट जनताका समस्या समाधान होला भनेर कुनै आशा गर्न सकिँदैन । अहिले महँगीले जनता उठ्नै नसक्नेगरी समस्याग्रस्त छन् । यस्तो अवस्थामा जनतालाई अनुदान दिने कार्यक्रम ल्याउन सक्नुपथ्र्यो । अनुत्पादक खर्च कटौती गर्ने तथा आर्थिक मितव्ययिता अपनाउने खालका प्रगतिशील कार्यक्रम ल्याउने विषयमा प्रधानमन्त्री, मन्त्री तथा सत्तारूढ गठबन्धनका नेताबीच खासै छलफल नै हुँदैन । जसरी पनि शासन सत्तामा रहिरहने र लुटतन्त्र मच्चाउने विषयमा मात्रै उनीहरूबीच छलफल हुन्छ र लुट मच्चाउने विषयमा नै आन्तरिक सहमति हुने गरेको छ ।

स्रोतमा पूरा पढ्नुहोस् (rajdhanidaily.com)