अविरल वर्षाका कारण पहिरो खस्दा बीपी राजमार्ग अवरुद्ध, बाटोमै रोकिए सवारीसाधन

काठमाडौँ । रातभर परेको अविरल वर्षाका कारण आएको लेदो तथा पहिरोले बीपी राजमार्ग पूर्ण रूपमा अवरुद्ध भएको छ। राजमार्गका विभिन्न खण्डमा पहिरो खसेपछि यातायात सञ्चालन पूर्ण रूपमा प्रभावित बनेको प्रहरीले जनाएको छ।

अहिलेसम्म पहिरोले कति स्थानमा अवरोध पुर्‍याएको छ भन्ने यकिन भइनसकेको भए पनि खसेका स्थानहरूमा सडक खुलाउन पहिरो पन्छाउने काम सुरु भइसकेको छ। विशेषगरी राजमार्गअन्तर्गत नार्के क्षेत्रमा माथिबाट आएको लेदो र पहिरोले सडक ठूलो मात्रामा पुलेको छ भने वर्षा नरोकिएका कारण थप पहिरो जाने उच्च जोखिम रहेको छ।