व्यावसायिक कफीखेतीमा रमाउँदै ‘देवीराम’, दीर्घकालीन आम्दानीको स्रोत बन्ला त कफि ?

भोजपुर / भोजपुरको षडानन्द नगरपालिका–११ झ्याउपोखरीका किसान देवीराम चौलागाईँ यतिबेला व्यावसायिक कफीखेतीमा रमाइरहेका छन् । परम्परागत खेतीबाट अपेक्षित आम्दानी नभएपछि वैकल्पिक बालीका रूपमा कफी रोज्नुभएका उनले अहिले यसैमा भविष्य देख्न थालेका छन् ।

चौलागाईँले हाल करिब १० रोपनी क्षेत्रफलमा एक हजार बोट अरविका जातको कफी विस्तार गरेका छन्। गत वर्षदेखि व्यावसायिक रूपमा खेती विस्तार गरेका उनले योजनाबद्ध रूपमा उत्पादन बढाउँदै लैजाने बताए।