‘जलवायु परिवर्तनले जोखिममा पुतली’

जलवायु परिवर्तनका कारण विश्वभरका पुतली आफ्नो परम्परागत बासस्थान छाडेर नयाँ क्षेत्रमा बसाइँ सर्न बाध्य हुन थालेका छन्। वैज्ञानिकहरूले यसलाई केवल पुतलीको समस्या नभई सम्पूर्ण जैविक प्रणालीमा देखिएको गम्भीर परिवर्तनको प्रारम्भिक चेतावनी भनेका छन्।

प्रतिष्ठित वैज्ञानिक जर्नल ‘नेचर इकोलोजी एन्ड इभुलुसन’ मा बुधबार प्रकाशित विश्वव्यापी अध्ययनले जलवायु परिवर्तनले पुतलीको वितरणमा व्यापक परिवर्तन आएको देखाएको हो।