मतदान सम्पन्न नहुँदासम्म अन्तर्राष्ट्रिय सीमा नाका बन्द [भिडियो]

काठमाडौँ । अन्तर्राष्ट्रिय सीमाना जोडिएका जिल्लामा आइतबार राति १२ बजेदेखि सीमा नाका बन्द भएका छन् । बिहीबार हुने प्रतिनिधि सभा निर्वाचनलाई स्वच्छ, निष्पक्ष र स्वतन्त्र रूपमा सम्पन्न गराउने उद्देश्यले अन्तर्राष्ट्रिय सीमाना जोडिएका जिल्लामा सीमा नाका बन्द गरिएको हो । निर्वाचन सुरक्षा निर्देशिकामा निर्वाचन हुनुभन्दा ७२ घण्टा अघि सीमानाका बन्द गर्नुपर्ने प्रावधान छ ।

सोही प्रावधान अनुसार सीमानाका बन्द गर्न आयोगले सिफारिस गरेको सूचना अधिकारी सुमन घिमिरेले जानकारी दिए । सोहीअनुसार नै आइतबार राति १२ बजेदेखि मतदान सम्पन्न नहुन्जेलसम्मका लागि अन्तर्राष्ट्रिय सीमानाका बन्द गरिएको हो ।