एनआरएनएलाई मूल उद्देश्यतिर लैजान सर्वोच्चले बाटो खोलिदियो : आरके शर्मा

काठमाडौँ । गैरआवासीय नेपाली संघ (एनआरएनए) का अभियन्ता आरके शर्माले संघबारे सर्वोच्च अदालतको फैसलापछि आफ्नो प्रतिक्रिया दिएका छन् । बुधबार राति रातोपाटीसँग कुराकानी गर्दै शर्माले सर्वोच्च अदालतको फैसलाले एनआरएनएलाई फेरि मूल उद्देश्यतिर लैजाने ढोका खुला भएको बताए ।

‘ अब सबैले दम्भ त्यागेर गैरआवासीय नेपालीको हकहितको लागि काम गर्नुपर्ने समय आएको छ’, उनले भने, ‘संघलाई मूल उद्देश्यतिर लैजने बाटो सर्वोच्च अदालतले खोलिदिएको महसुस भएको छ । सबैले आ–आफ्नो दम्भ छोडेर र पुराना गल्तीहरूलाई सुधारेर अघि बढ्नुको विकल्प छैन ।’