कावासोतीमा गाडी दुर्घटना हुँदा ६ जना घाइते, चालक पक्राउ

काठमाडौं । कावासोतीमा गाडी दुर्घटना हुँदा ६ जना घाइते भएका छन्। नवलपरासी पूर्वको कावासोती नगरपालिका-१६ पत्थर खोलाको पुलनजिक माइक्रो बस अनियन्त्रित भई पल्टिँदा ६ जना घाइते भएका प्रहरीले जनाएको छ।

नारायणगढबाट बुटवलतर्फ जाँदै गरेको लु.प ०१-००१ ज १००० नम्बरको माइक्रो बस अगाडिको बायाँतर्फको टायर पन्चर भएपछि अनियन्त्रित भई पल्टिएको हो। गाडीमा चालक र सहचालकसहित ७ जना सवार थिए।