कामपाको नयाँ योजना- वार्षिक ५ हजारलाई रोजगारी, सबै वडामा सुलभ फार्मेसी

काठमाडौं । काठमाडौं महानगरपालिकाले एक वर्षमा ५ हजार जनालाई रोजगारी दिनेगरी नीति तथा योजना सार्वजनिक गरेको छ । हिजो बुधबार आर्थिक वर्ष २०८०÷०८१ को वार्षिक नीति तथा कार्यक्रम सार्वजनिक गर्दै मेयर बालेन्द्र साहले ३२ वटै वडामा सामुदायिक अस्पतालसँगको सहकार्यमा सुलभ फार्मेसी र वार्षिक एक लाख वृक्षरोपण गर्नेलगायतका महत्वाकांक्षी कार्यक्रम घोषणा गर्नुभएको छ ।

सांस्कृतिक शहर र समृद्ध महानगरको दीर्घकालीन सोच रहेको जिकिर गर्दै मेयर साहले सफा, सुन्दर, धुलोरहित एवं व्यवस्थित सडक र पेटी, सफा नदीनाला, डुबानरहित, प्रविधिमैत्री, हराभरा, पर्यावरण तथा पर्यटनमैत्री काठमाडौं निर्माण गर्ने नीति तथा कार्यक्रमको मुख्य उद्देश्य रहेको बताउनुभयो ।