‘कोपा डेल रे’ को सेमिफाइनल एट्लेटिकोको शानदार प्रदर्शन, बार्सिलोनामाथि ४–० को फराकिलो जित

काठमाडाैँ। एट्लेटिको म्याड्रिडले शुक्रबार सम्पन्न कोपा डेल रेको सेमिफाइनल पहिलो लेगमा बार्सिलोना माथि ४–० को शानदार जित दर्ता गरेको छ । घरेलु मैदानमा उत्कृष्ट पहिलो हाफ प्रदर्शन गर्दै एट्लेटिकोले खेलको सुरुवातदेखि नै आक्रामक दबाब सिर्जना गरेको थियो ।

खेलको प्रारम्भमै बार्सिलोनाका एरिक गार्सियाको ब्याकपास गोलरक्षक जोआन गार्सियाको खुट्टामुनि हुँदै आत्मघाती गोलमा परिणत भएपछि एट्लेटिकोले अग्रता लिएको थियो । त्यसपछि १४औँ मिनेटमा प्रतियोगिताका सर्वाधिक गोलकर्ता एन्टोनी ग्रिजम्यानले आफ्नो पूर्वक्लबविरुद्ध गोल गर्दै अग्रता दोब्बर बनाए ।