बेलायतको प्रेमजालमा परेर कास्कीकी महिलाले गुमाइन् ३१ लाख

काठमाडौं- सामाजिक सञ्जालमार्फत चिनजान भएका एक अपरिचित व्यक्तिको प्रलोभनमा पर्दा कास्कीकी एक महिलाले ३१ लाख रुपैयाँ गुमाएकी छन् ।

जिल्ला प्रहरी कार्यालय कास्कीका अनुसार बेलायतको नम्बर प्रयोग गर्ने एक व्यक्तिले आफू अविवाहित रहेको र बेलायतमा ठूलो सम्पत्ति रहेको भन्दै ती महिलासँग फेसबुकमार्फत चिनजान गरेका थिए । उनले नेपाल आएर महिलासँगै जीवन बिताउने आश्वासन दिँदै विमानस्थलका भिडियो तथा भिडियो कलसमेत गरेका थिए ।