भण्डारीको स्वास्थ्य अवस्था सुधारोन्मुख

काठमाडौं । नेपाली कांग्रेसका सांसद चन्द्र भण्डारीको स्वास्थ्यमा क्रमिक सुधार हुँदै गएको छ । उपचारमा संलग्न चिकित्सकहरूका अनुसार सोमबार परीक्षणका रूपमा भण्डारीको भेन्टिलेटर हटाइएको छ । गत बिहीबारदेखि भारतको मुम्बईस्थित नेसनल बर्न सेन्टरमा उपचाररत भण्डारीको स्वास्थ्यमा सुधार आएपछि परीक्षणका रूपमा भेन्टिलेटर हटाइएको उहाँका सहयोगी माधव न्यौपानेले जानकारी दिनुभयो ।

न्यौपानेका अनुसार सोमबार भण्डारीको सबै ‘स्वास्थ्य पारामिटर’ नर्मल रहेको छ । भण्डारीलाई अहिले ज्वरो नआएको र सुन्निएको भागसमेत घट्दै गएको न्यौपानेले जानकारी दिनुभयो ।