इरानको आक्रमणपछि युएईद्वारा तेहरानस्थित दूतावास बन्द, राजदूत फिर्ता

काठमाडौँ । संयुक्त अरब इमिरेट्स (युएई) ले इरानको राजधानी तेहरानमा रहेको आफ्नो दूतावास बन्द गर्ने र राजदूतलाई फिर्ता बोलाउने निर्णय गरेको छ । आफ्नो भूमिमा इरानले गरेको शृङ्खलाबद्ध मिसाइल आक्रमणको प्रतिक्रिया स्वरूप युएईले यो कडा कदम चालेको हो ।

युएईको परराष्ट्र मन्त्रालयका रणनीतिक सञ्चार निर्देशक अफ्रा अल हमेलीले सामाजिक सञ्जालमार्फत जारी गरेको विज्ञप्तिमा भनिएको छ, “युएईले तेहरानमा रहेको आफ्नो दूतावास बन्द गर्ने तथा राजदूत र कूटनीतिक नियोगका सबै सदस्यहरूलाई फिर्ता बोलाउने घोषणा गर्दछ । हामी इरानी मिसाइल आक्रमणको कडा निन्दा गर्दछौँ ।”