एन्ड्रोइडबाट गुगल असिस्टेन्ट हटाउँदै गुगल, जेमिनाई बन्दैछ नयाँ सहायक

काठमाडौं । एन्ड्रोइड फोनमा प्रयोगकर्ताको आवाज सुनेर विभिन्न काम गरिदिने गुगलको पुरानो डिजिटल सहायक अब बिस्तारै विस्थापित हुने भएको छ । गुगलले ‘गुगल असिस्टेन्ट’ लाई हटाएर त्यसको स्थानमा आफ्नो एआई च्याटबट ‘जेमिनाई’लाई अघि बढाउने तयारी गरेको छ ।

कम्पनीले आगामी ५ सेप्टेम्बरदेखि योग्य डिभाइसमा गुगल असिस्टेन्ट हटाउने प्रक्रिया सुरु गर्ने जानकारी प्रयोगकर्तालाई दिन थालेको छ । यो परिवर्तन एकैपटक नभई क्रमश: लागू हुने भएकाले पूर्ण रूपमा कार्यान्वयन हुन केही साता लाग्न सक्ने गुगलले जनाएको छ ।