ठूला तेल कम्पनीहरूको मुनाफामा उछाल, केमा खर्च गर्छन् अर्बौं डलरको कमाइ ?

एजेन्सी । दोस्रो त्रैमासिकमा ठूला तेल कम्पनीहरूले भारी नाफा कमाएका छन् । अहिलेको मुख्य प्रश्न हो– उद्योगले यो नगदको थुप्रोलाई सेयरधनीहरूलाई बाँड्न, वित्तीय सन्तुलन मजबुत बनाउन वा भविष्यको लागि लगानी गर्न प्रयोग गर्नेछ कि छैन । यी सबै कुराहरू बढ्दो राजनीतिक दबाबबाट बच्ने प्रयासका बीच भइरहेका छन् ।

एक्सन मोबिल, सेभरन, बीपी, सेल र टोटल इनर्जीज गरी पाँच ठूला कम्पनीहरूले अप्रिलदेखि जुनसम्मको अवधिमा ४८ अर्ब डलर नाफा कमाएका छन् । यो अमेरिका र इरानको शत्रुताका बीचमा खनिज इन्धनको उच्च मूल्यका कारण सम्भव भएको हो ।