विराटनगर भन्सार कार्यालयको राजस्व असुली लक्ष्यको ५७.३८ प्रतिशतमात्रै

विराटनगर । कोभिड महामारीको समयमा पनि कुल लक्ष्यको ५८ दशमलव ४२ प्रतिशत राजस्व असुली गरेको विराटनगर भन्सार कार्यालयले यो वर्ष भने लक्ष्यको ५८ प्रतिशत पनि उठाउन नसक्ने देखिएको छ ।

कोभिडले आक्रान्त पारेको समय अर्थात् आर्थिक वर्ष २०७६/०७७ मा विराटनगर भन्सार कार्यालयले ४९ अर्ब ६४ करोड ६० लाख ४६ हजार राजस्व संकलन गर्ने लक्ष्य लिएको थियो । उक्त वर्ष लक्ष्यको ५८ दशमलव ४२ प्रतिशत अर्थात् २९ अर्ब ३१ लाख ३५ हजार रुपैयाँमात्रै राजस्व संकलन भएको थियो । उक्त आर्थिक वर्षको अन्त्यमा कोभिड १९ ले दुनियाँ आक्रान्त थियो ।