बेरुजु घटाउन मुख्यमन्त्रीको निर्देशन

कर्णाली । कर्णाली प्रदेशका मुख्यमन्त्री मङ्गलबहादुर शाहीले प्रदेशको बेरुजु घटाउन निर्देशन दिएका छन् ।

मुख्यमन्त्री तथा मन्त्रिपरिषद्को कार्यालयद्वारा आइतबार आयोजित आर्थिक वर्ष २०८२/८३ को वार्षिक प्रगति समीक्षा गोष्ठीलाई सम्बोधन गर्दै मुख्यमन्त्री शाहीले प्रदेश सरकारमातहतका निकाय तथा कार्यालयमा देखिएको बेरुजु घटाउन तथा थप बेरुजु बढ्न नदिन निर्देशन दिएका हुन् । उनले बजेटको प्रभावकारी कार्यान्वयन, वित्तीय अनुशासन, जबाफदेहिता र प्रविधिमैत्री सेवा प्रवाहलाई प्राथमिकतामा राखेर काम गर्न प्रमुख सचिव, विषयगत मन्त्रालयका सचिवलगायत सम्पूर्ण कर्मचारीलाई आग्रह गरेका थिए ।