इरान–इजरायल युद्ध मध्यपूर्वका अमेरिकी सैन्य केन्द्र निशानामा, १७ लाख नेपाली श्रमिक प्रभावित

काठमाडौं । अमेरिका र इजरायलले जारी राखेको आक्रमणमा परेर इरानका सर्वो च्च नेता अयातोल्लाह अली खामेनीसहित उनका परिवारका अधिकांश सदस्यको मृत्यु भएको छ । तेहरानको नेतृत्व परिसरमा आयोजना गरिएको बैठकमा खामेनी र उनका निकट सुरक्षा अधिकारी उपस्थित थिए । अपरेसन अमेरिकाले इजरायललाई जानकारी दिएर मिसाइल प्रहार गरेको जनाएको छ ।

इरानी न्यायपालिकाले पुष्टि गरेअनुसार खामेनी र उनका परिवारका सदस्यसँगै रिभोलुसनरी गार्डका प्रमुख जनरल मोहम्मद पाकपोर, शीर्ष सुरक्षा सल्लाहकार अली शामखानीलगायतको पनि मृत्यु भएको छ । योसँगै इरानमा आइतबारसम्ममा कम्तीमा २ सय जनाको मृत्यु भएको छ । मृत्यु हुनेमध्ये १ सय ४८ जना त विद्यार्थी भएको दाबी गरिएको छ ।