‘देशको अभिभावक’ छान्न आतुर काठमाडौं–५ का मतदाता

काठमाडौं । प्रतिनिधिसभा निर्वाचनको अन्तिम प्रचारप्रसार भइरहँदा काठमाडौं क्षेत्र नम्बर–५ ले देशलाई अभिभावक दिनसक्ने भन्दै मतदातामाझ चासो बढेको छ । एमालेबाट उम्मेदवार भएका ईश्वर पोखरेल एमालेका ओलीपछिको संसदीय राजनीतिका अनुभवी र सिनियर नेता हुन् भने कांग्रेसबाट उम्मेदवार भएका प्रदीप पौडेल गगन थापापछिका युवाबीचका लोकप्रिय नेता हुन् ।

संसदीय राजनीतिमा यी दुवै नेतामध्ये जसले जिते पनि देशको अभिभावक हुने विश्लेषण गरिएको छ । नेकपा एमालेका तर्फबाट उम्मेदवार भएका ईश्वर पोखरेलले पुरानो राजनीतिक प्रणालीको विरासत र पार्टीभित्र उठाएको पुस्तान्तरण र जेनजी आन्दोलनपछिको राजनीतिक रूपान्तरणको एजेन्डालाई उठाएको जस पाउने सम्भावना बढेको छ ।