चार्जमा राखेर मोवाइलमा कुराकानी गर्दा एक महिला गम्भीर घाइते

राजविराज । मोवाइल चार्जमा लगाएर कुराकानी गर्दा एक महिला करेन्ट लागेर गम्भीर घाईते भएका छन् । आइतबार विहान चार्जमा लगाइएको मोवाइलबाटै घर बाहिर रहेका आफन्तसँग कुराकानी गर्दै गरेको अवस्थामा अचानक करेन्ट प्रवाह भई सप्तरीको महदेवा गाउँपालिका २ की २४ बर्षीया विमला ठाकुर गम्भीर घाइते भएकी हुन् ।

उनको सप्तरी सदरमुकाम राजविराज स्थित गजेन्द्रनारायण सिंह अस्पतालको आकस्मिक कक्षमा उपचार भईरहेको छ । विद्युतीय वोर्डमा चार्जमा लगाइएको अवस्थामै मोवाईलबाट कुराकानी गरिरहेका बेला अचानक तारबाट बगेको करेन्टले ठाकुर बेहोस भएकी थिईन् ।