हरित हाइड्रोजनबाट खाना पकाउने प्रविधिको शुभारम्भ

बडिगाड गाउँपालिकाले स्वच्छ ऊर्जा (ग्रिन हाइड्रोजन) उत्पादन सुरु गरेको छ । गाउँपालिकाले खेर गइरहेको विद्युत् र पानीको सदुपयोग गरी ऊर्जा उत्पादन थालेको हो ।

ग्रिन हाइड्रोजन उत्पादन प्रक्रिया सफल भएपछि उत्पादित ग्यास सिलिन्डरमा भर्न थालिएको गाउँपालिकाका अध्यक्ष गण्डकी थापा अधिकारीले बताउनुभयो । परियोजना सफल भएसँगै वडा नं. २ मा रहेको गिरिङ्दी खोला लघुजलविद्युत् आयोजनाबाट शतप्रतिशत स्वच्छ ऊर्जा उत्पादन सुरु गरिएको हो ।