यालुङ री हिमालको आधार शिविरमा फेला परेका पाँच शवको पहिचान खुल्यो

दोलखाको गौरीशंकर गाउँपालिका–९ स्थित रोल्वालिङ क्षेत्रमा पर्ने यालुङ री हिमालको आधार शिविरमा फेला परेका पाँच वटा शवको पहिचान खुलेको छ । पाँच शवमध्ये दुई नेपाली र तीन विदेशी आरोहीको रहेको खुलेको छ ।

जिल्ला प्रहरी कार्यालय दोलखाका सूचना अधिकारी एवं प्रहरी निरीक्षक सन्तोषकुमार खड्काका अनुसार आइतबार संकलन भएका पाँच शवमध्ये नेपाली पथप्रर्दशक दोलखाको गौरीशंकर गाउँपालिका–९ का पदम तामाङ र सोलुखुम्बुको माप्य दुधकोशी गाउँपालिका–५ का मेर कार्कीको हो ।