रुसद्वारा युक्रेनको युद्ध रोक्ने नयाँ प्रस्ताव अस्वीकार

मस्को, २५ साउन । रूसले युक्रेनसँगको जारी द्वन्द्वलाई तत्काल ‘स्थिर’ वा ‘फ्रिज’ गर्ने कुनै पनि प्रस्ताव अस्वीकार गर्दै दीर्घकालीन शान्तिका लागि आफूले सङ्कटका मूल कारण मानेका विषय सम्बोधन हुनुपर्ने अडान दोहोर्‍याएको छ । मस्कोले युक्रेनको स्थायी तटस्थता र केही क्षेत्रसम्बन्धी आफ्नो मागलाई शान्ति प्रक्रियाको महत्त्वपूर्ण आधारका रूपमा प्रस्तुत गरेको छ ।

रुसी उपविदेशमन्त्री मिखाइल गालुजिनले द्वन्द्वका अन्तर्निहित कारण समाधान नगरी युद्धलाई अस्थायी रूपमा रोक्नु दीर्घकालीन समाधान नहुने बताएका छन् । उनले रुसी राष्ट्रपति भ्लादिमिर पुटिनले पनि पटक–पटक यही धारणा सार्वजनिक गरेको उल्लेख गरे ।