मातृभाषामा सूचना र सञ्चारको पहुँच सुनिश्चितताले लोकतन्त्र थप समावेशी र सुदृढ हुन्छ : मन्त्री गौतम

कानून, न्याय तथा संसदीय मामिला मन्त्री सोविता गौतमले मातृभाषामा सूचना र सञ्चारको पहुँच सुनिश्चित हुन सके मात्रै लोकतन्त्र थप समावेशी र सुदृढ बन्ने बताएकी छन्।

तेस्रो अन्तर्राष्ट्रिय मातृभाषा पत्रकारिता सम्मेलन २०२६ को उद्घाटन समारोहलाई सम्बोधन गर्दै मन्त्री गौतमले नेपालको परिचय दस्तावेजमा मात्र सीमित नभएको भन्दै नेपालका परम्परा, संस्कृति र पुस्तौँदेखि बोलिँदै आएका मातृभाषाहरू पनि नेपालको पहिचानका आधार भएको उल्लेख गरिन्।