हिमाली क्षेत्रमा स्वच्छ ऊर्जाको प्रवर्द्धनमा जोड, मार्फामा नमूना परियोजना सुरु हुँदै

काठमाडौं– देशका उच्च हिमाली क्षेत्रमा जलवायु परिवर्तन, आधुनिक जीवनशैली, पर्यटकीय गतिविधि तथा घरभित्र र बाहिरको वातावरणमा परेको असर न्यूनीकरण गर्न नवीकरणीय ऊर्जा प्रविधिको प्रवर्द्धन आवश्यक रहेकोमा सरोकारवालाले जोड दिएका छन्।

एकीकृत पर्वतीय विकासका लागि अन्तरराष्ट्रिय केन्द्र र प्राक्टिकल एक्सनको पहलमा सञ्चालन हुन लागेको ‘स्वच्छ तापका लागि नवीकरणीय ऊर्जाको प्रवर्द्धन’ परियोजनाको शुभारम्भ कार्यक्रममा सहभागीहरूले स्वच्छ ऊर्जा प्रविधि हिमाली क्षेत्रका लागि अपरिहार्य बन्दै गएको बताएका हुन्।