बाढीपहिरोपछि अन्नपूर्ण पदमार्गमा पर्यटक बढ्न थाले, व्यवसायीमा आशा

काठमाडौं – बाढीपहिरो र हिमपातका कारण प्रभावित बनेको अन्नपूर्ण चक्रीय पदमार्गमा पर्यटकको आगमन पुनः बढ्न थालेको छ । थोरङ्ला पास जाने पदमार्गमा जमेको हिउँ हटाएर आवागमन सहज बनाइएसँगै मनाङ हुँदै मुस्ताङ जाने पर्यटकको सङ्ख्या बढ्न थालेको हो ।

असोज ८ देखि ११ गतेसम्म परेको अविरल वर्षा र हिमपातका कारण सडक तथा पदमार्ग अवरुद्ध हुँदा पर्यटक आगमन घटेको थियो । प्रतिकूल मौसमका कारण दैनिक एक–दुई जनामात्र पर्यटक आउने गरेकोमा अहिले दैनिक १५० देखि २०० जनासम्म आउन थालेको अन्नपूर्ण संरक्षण क्षेत्र आयोजना ९एक्याप० को धारापानीस्थित पर्यटक जाँच तथा सूचना केन्द्रले जनाएको छ ।