नवरात्रको दोस्रो दिन ब्रह्मचारिणी देवीको पूजा आराधना

काठमाडौँ ।

बडादसैँअन्तर्गत शारदीय नवरात्रको दोस्रो दिन आज नवदुर्गामध्ये दोस्रो स्वरूप ब्रह्मचारिणी देवीको विधिपूर्वक पूजा आराधना गरिँदैछ।ब्रह्मचारिणी देवीलाई तपस्या, त्याग, संयम, सदाचार र आत्मबलको प्रतीकका रूपमा लिइन्छ। पौराणिक मान्यताअनुसार माता पार्वतीले भगवान् शिवलाई पतिको रूपमा प्राप्त गर्न कठोर तपस्या गरेकी थिइन्।