पाँच वर्षको सेवा–सुविधा जनहितमा लगाउने नगरप्रमुख भामको घोषणा

मुगु । छायानाथ रारा नगरपालिकाका नगरप्रमुख विष्णुकुमार भामले आफ्नो पाँच वर्ष अर्थात् ५९ महिनाको कार्यकालमा प्राप्त हुने सेवा–सुविधा व्यक्तिगत प्रयोजनमा खर्च नगरी जनताको हितमा लगाउने घोषणा गरेका छन्।

सोमबार पत्रकार सम्मेलन गर्दै नगरप्रमुख भामले पारिश्रमिक, दशैँ सुविधा तथा बैठक, कार्यक्रम, तालिम र गोष्ठीबाट प्राप्त हुने भत्तालगायत सेवा–सुविधाको रकम शिक्षा, स्वास्थ्य, विपन्न तथा दलित समुदाय, विपद् प्रभावित नागरिक र सार्वजनिक पूर्वाधारमा खर्च गर्ने बताए।