बागमतीमा सत्ता साझेदारी गरेका एमाले र नेकपा सरकारबारे के गर्दैछन् ?

हेटौँडा । केन्द्रमा फेरिएको समीकरणसँगै बागमती प्रदेशमा पनि एमाले र नेकपा सम्मिलित नयाँ सरकार बन्ने अपेक्षा गरिएको थियो । एमालेको नेतृत्वमा गठन हुने सरकारमा अन्य साना दलहरूलाई समाहित गर्ने गरी वाम गठबन्धन अघि बढेको पनि थियो ।

सोही अनुसार साउन ६ गते एमालेले तत्कालीन सरकारको साझेदार कांग्रेसको साथ छोड्यो । एमालेले सरकारबाट समर्थन फिर्ता लिएपछि मुख्यमन्त्री इन्द्रबहादुर बानियाँ अल्पमतमा परेका छन् । उनी विगत २० दिनदेखि अल्पमतको सरकार चलाइरहेका छन् । अल्पमतमै रहँदा मुख्यमन्त्री बानियाँले साउन २० गते २ सांसद रहेको ुहानेपाुलाई सरकारमा भित्र्याएका छन् ।