रुसी सेनामा भर्ती भएका ढकाल युक्रेनी सेनाको कब्जामा

काठमाडौं । रसियन फोर्समा भर्ती भएका अर्का एक जना नेपाली युक्रेनी सेनाको कब्जामा परेको भिडियो सार्वजनिक भएको छ । कब्जामा रहेका उनी काभ्रेपलाञ्चोक जिल्लाको मण्डनदेउपुर नगरपालिका–६ ढकालथोकका सिद्धार्थ ढकाल हुन् ।

करिब दुई महिनाअघि पढाइको सिलसिलामा रसिया पुगेका उनी रसियन फोर्समा भर्ती भएका थिए । ४ मिनेट १९ सेकेन्डको भिडियो सार्वजनिक गर्दै उनले आफू २२ वर्षको भएको बताएका छन् । आफू एक युनिभर्सिटीमा पढ्न आएको र युनिभर्सिटीले मागेको पैसा नदिए घर फर्कन भनेको र पछि आफू रसियन आर्मीमा भर्ना भएको बताएका छन् ।