स्पेनिस ला लिगामा एटलेटिकोलाई झट्का

काठमाडौं । स्पेनिस ला लिगा फुटबलमा एटलेटिको मड्रिडलाई झट्का लागेको छ । इस्पानियोलको घरेलु मैदानमा एटलेटिको १-१ को बराबरीमा रोकिन पुग्यो । एटलेटिकोका लागि ३५ वर्षीय सिजर एजपिलिकुएटाले गोल गरे । उनले २५ गजको दुरीबाट शीर्ष कुनामा शानदार भली गरे । तर, घरेलु टोलीले त्यसको जवाफ फर्कायो ।

यो बराबरीले एटलेटिकोलाई निकै घाटा लागेको छ । उपाधिका लागि प्रतिस्पर्धा गरिरहेका दुई हस्ती बार्सिलोना र रियाल मड्रिडलाई पछ्याइरहेको एटलेटिको केही बेरका लागि मात्रै भए पनि दोस्रो स्थानमा उक्लिने थियो । इस्पानियोलले उसको त्यो योजनामा अल्पविराम लगाइदिएको छ ।